ألو مزاج… ليه هيك؟؟؟
Posted by Maioush . Published on 14 April 2007
يعني على قد ما بحب راديو مزاج، على قد ما بكرة هالبرنامج (ألو مزاج)، الواحد بكون مشتاق للناس و نفسو يسمع عربي، بفتح النت على و يلا نروح عمان.
كل يوم لما أصحى الساعة 5 الصبح (في عمان بتكو الساعة 3 الظهر)، بكون الراديو أصلا مفتوح لأنو ما بعرف أنام إلا و الأغاني شغالة…. مش موضوعنا هلأ كيف بنام… المهم… بكون هاد البرنامج على الراديو، لأنو من الساعة 2 لحد الساعة 4 المسا( برضو بتوقيت عمان).
طبعا هون ببلش الهبل و الزناخة و حرقت الدم… يا فتاح يا عليم يا رزاق يا كريم، كل مسج بتركوها أبرد من أختها، و كلو كوم و اللي إسمها تالا كوم… يا جماعة الخير، مشان الله إذا حدا بعرف من وين جايبينها يسكتوها، فقعت مرارتي منها، جد مغصتني بطريقة حكيها، أي لو انو الواحد بسمع على الهوت لاين مش هيك!!!! لا والأبلى إنو الشباب مكيفين عليها، ليه، خير إنشاء الله؟ ما ضل وراهم إشي الشباب غير يحبو صوت بنت؟؟ مش هيك اليأس و التفاهه.
لا إستنوا إسمعوا هاد كمان اللي إسمو صالح أو ما بعرف شو، كل يوم بحكي مشان يهدي حبيبته نسيانك صعب أكيد، قال شو تركتو بعد 10 سنين حب!!! لا و الشب زعلان و مدمر نفسيا، يخرب بيتك صارلك 10 سنين بتحب فيها و ما تحركت و زعلان ليه اتجوزت؟؟؟ شو رأيك تستناك كمان 10 سنين لحد ما تخلص حب و تقرر تتنيل على عين أهلك و تخطبها!!!
بس جد جد، راديو مزاج مشان الله إرحموني، أنا عن جد بحب المحطة، و ما بدي أبطل أسمعها مشان ألو مزاج…
صحيح اللي بعيش ياما بشوف
April 14th, 2007 at 3:21 AM
April 14th, 2007 at 3:22 AM
April 14th, 2007 at 3:39 AM
April 14th, 2007 at 4:36 AM
April 14th, 2007 at 5:33 AM
April 14th, 2007 at 8:09 AM
April 14th, 2007 at 9:50 AM
April 14th, 2007 at 10:45 AM
April 14th, 2007 at 4:44 PM
April 14th, 2007 at 8:46 PM
April 14th, 2007 at 10:36 PM
April 14th, 2007 at 10:37 PM
April 14th, 2007 at 11:08 PM
April 15th, 2007 at 12:14 AM
February 4th, 2008 at 11:26 PM