أسكتوووو، مش غيروا بلاط المول!!!!

مبارح و لأول مرة بجرب قعدات “النسوان” و يا وردييي على إلي صار فيي، بعد ساعة من الوقت،مستوى الذكاء تاعي صار تحت الصفر من كثر ما سواليفهم فارطة وتافه

هادة يا سادة يا كرام رحت أسلم على وحده اجت من السفر، كانت مسافره وقت ما أنا اجيت على سياتل، المخلوقة طلعت عامله عمليه هناك، فقلت لحالي يا بنت خلي عندك ذوق وروحي إنتي تعرفي عليها

 حكيت مع وحده من البنات إلي بعرفهم هون وطلبت منها انها تاخدني و نروح مشان أتعرف عليها و أهنيها  بالسلامة، قام شوووووو طلعت هديك الست عامله جمعت نسوان ولامه كل نسوان الحارة، و محسوبتكم طبعاً ما إلها على هادي الحركات بالمرة، قلت ماشي يلا مش غلط، بس طلعت غلط وستين غلط كماااان، يا خرابي على إلي صار

قعدوا البنات عفواً النسوان و عينك ما تشوف إلا النور،على قصص سخيفه، مين اشترت أغلى بلوزه، او إلي زنّنّنّت على زوجها لحد ما جبلها طقم الكنبايات أبو ال- ١٢٠٠٠ دولار لأنو كتير طالع موضة السنه، و أنا قاعده يا غافل الك الله، بستنى يحكووا اشي مفيد، أبداً!!

أنا عاد متى ولعت معي؟؟ لما قعدوا أكتر من ٢٠ دقيقة يحكوووا للي اجت من السفر كيف انهم غيروا بلاط المول بغيابها، وهديك زي إلي حكيتلها إنو رايح عليها اشي كتير كبير…  الله أكبر، ٦ بنات قاعدين  بحكو عن بلاط المول؟؟؟ ليه؟؟ مافي اشي تاني بالحياه نحكي عنو غير وين صرفوا فلوس ازواجهم والأشياء التافهة التانيه…

يي صحيح نسيت أحكيلكم عن مشهد تنتيف وبر الوحيده إلي مش موجوده معهم، وكيف إنو هي ما بتفهم ومو منيحه وما بعرف شو بتعمل كمان، لأنو أنا صراحة بطلت اركز بعد هيك، فما بعرف شو حكوا كمان

أنا أخدت قرار ، مدام إني عارفه حالي مش خرج سواليف النسوان ليه بعمل بحالي هيك؟ لا زيارات نسوان بعد اليوم، إذا كتير حابه اني ازور، بسحب حالي و بروح ازور العالم مع زوجي، ساعة زمان، كيف حالكم، شكراً على ضيافتكم، و سلام ، أما اني أضيع ٣ ساعة من نهاري على سواليف فارطه.. لأ وألف لأ

 و الابلى من هيك إنو كل وحده قاعده تلعن ابو أفطاسه لزوجها، تعال احكي لوحده فيهم، قومي اشتغلي وساعديه، بتقلك ليه هو أنا ما بكفيني شغل البيت!! ولك أي بيت هادا و إنتي حتى بلاط المول صار عندك قصة.. آاخ بس، أنا مبارح بس اكتشفت اني غير مؤهله اني أعد بالبيت بدون شغل

هاف أ نايس ويك اند…


10 Responses to “أسكتوووو، مش غيروا بلاط المول!!!!”

  1. qwaider Says:

    LOL!
    Ya maskeeneh my dear Wify … ma3lish .. kalam el niswan … 7ashish la bud minh

  2. Hani Obaid Says:

    I’ll bet the next time they meet they will talk about you. Truly sometimes no company is better than some people’s company.

    You know the top glass panels of the escalators in city mall were all broken, and now they fixed them :)

  3. Summer Says:

    i am very interested to see what type of new style in couches that are selling for $12000! is it made out of gold or something??
    ريحي راسك و بلا زيارات كلام فاضي

  4. KJ Says:

    Hani, you’re kidding! a5eeran! man when I was there I was appalled at the site… mnee7 ghayyarooh… but now they’re going to raise inflation to compensate

  5. vagueraz Says:

    Keefek Maioush :)
    lol,,,
    hada el 7aki el fadi tb3 el neswan ana ma ba7ebboo , f umooor btstahal ytnakash feeha el wa7ad ‘3eer heek w hl2 hadeek el zawjeh mkayfeh ennu dalat wara
    zooj-ha ta jabat 6a2em el kanabayat ely b 12000 $ !!! ,, wlahe ba6ar ,,,
    allah yhdee el naaas ….

  6. LostWithin Says:

    LOOOOOOOL

    walek 7abetek !
    kol el bnat bkono cool w hek b3den b3d el jezeh bsero neswaaan rasmi !
    enu shway shway msh hek ! one a step at a time to being neswan mesh men awalha !
    bs enti don’t be neswan EVER !
    bs I guess enu el mara el jay ra7 ynemo 3leke w kef enu enti m2nz3a w shayfa 7alek :P :P
    hehe

  7. JUMANA :) Says:

    heheh, HIIIIII haw ismon nesa2 ta7t el adwa2 habibi :D

    a7san she innek ma ba2a tro7i, yes yes yes ana ma3ik.e2ta3elon kart maioush bala hammmmm. ero7o etdabdabo :p !! a`77777 ya meshmshtii eb3ateli yahoN la a`7alehon enso shu ya3ni a3det neswan :D

    2a3det `7araban buot hae !!

    :* byyyyyy uUuUu

  8. Princess N Says:

    LOOOL.. I have 5 best frieds, 3 of which are housewives.. sometimes when I go visit one of the them on my own I feel that I want to akob 7ali min il shubbak.. I think even if you donnot have the time to work, read a book, join a club, do something productive, not for anyone but for your self..

  9. Na3ouri Says:

    لول .. لكان انتي شو بتفكري قعدات النسوان و جمعاتهم غير للنميمة و انتقاد فلان و فلانة و مواضيع فارطة و ما الها معنى

    انا اكثر اشي بزعجني بهذا الموضوع لما الوحدة تنتقد زوجها بهيك جمعة و تحكي عنه بطريقة بعيدة عن الادب

  10. yemenia68 Says:

    OMG, and I thought I was the only one who hated get-togethers like that.
    You have such a great sense of humor. :)

Leave a Reply

You can add images to your comment by clicking here.

Filled Under: Personal